...og nå er det jul igjen!

jólin eru að koma og mikið hlakka ég til! Til að komast almennilega í jólaskapið lögðumst við Maren og Milla í piparkökubakstur á laugardaginn... hin hefðbundnu munstur voru notuð...hjörtu, bjöllur, karlar, kerlingar, jólatré, englar... en einnig fengu elgir, hestar, mikkar og andrésfætur og líta dagsins ljós. Að sjálfsögðu var bakað piparkökuhús en eitthvað minna sást nú í sjálft húsið þegar búið var að skreyta það...hrúga með smartís, glassús og hlaupkörlum hefði verið nærra lagi. En það var fallegt!

Ég yfirgaf þó piparkökusamkvæmið snemma því mín beið annað og öðruvísi samkvæmi..."årsfest" á Kvarteret. Vaktin mín hittist fyrst heima hjá Ivönu og Anne Marthe. Þar dreyptum við á kampavíninu sem við höfðum unnið fyrir tips-keppnina og fórum í strætóferð, brrr! Sumir fóru í margar strætóferðir og voru því ansi skrautlegir þegar við komum á Kvarteret...ekki einir um það svosem. Dansað var framm á rauða nótt og úti er ævintýri...

Í dag skilaði ég svo þurrustu og leiðinlegustu ritgerð sem ég hef nokkurn tíman skrifað. En hvað er annað hægt þegar efnið er heimspekileg rökfærluritgerð um flata skatta. Æ og ó! En til að bæta mér upp kvölina sem þessi ritgerð olli sálartetrinu mínu bjuggum við Maren til hvítan og rauðan og grænan glassúr og skreyttum (klíndum) piparkökur. Nú eru kökurnar óætar því við tímum ekki að borða þær...og auk þess er glassúr frekar ólystugur. Piparkökurnar urðu því að jólaskrauti og prýða nú eldhúsgluggann í Neumannsgate 26...

fleiri myndir frá myndarlegheitunum er komnar inn á flickr

    

...jólaskór

  

Machos and Madonnas

Mér líkar námið mitt. Var rétt í þessu að koma heim af "fagfest". Við hittum prófessorana sem kenna okkur á næstu önn og þeir buðu upp á rauðvín, öl og tapas. Boðar gott! Einn prófessorinn, gamall og hrumur karl, gerði óspart grín að hinum kollegum sínum og skálaði í tíma og ótíma...helst þegar hinir prófessorarnir voru að útskýra sín fög. Ég býst við því að næsta önn verði áhugaverð!

Ég tek tvö fög á næstu önn...spænsku og svo fag sem fjallar um hitt og þetta í Suður-Ameríku og verður kennt á spænsku og ensku, jeij!
1. The Politics of Ethnicity in Latin America
2. Machos and Madonnas
3. Belief and Religion in Latin Amerika
4. El Rostro Natural: Geomorfología, Clima y Biodiversidad en América Latina
5. Población y Actividades Socioeconómicas en América Latina
6. Medioambiente y Manejo de Recursos Naturales en América Latina
7. Stat og institusjoner
8. Nasjon og kultur
9. Demokrati i Latin Amerika
10. La música en América Latina
11. Fútbol en América Latina
12. El cine latinoamericano

Þetta verður spennandi...

ég er ekta!

já, gott fólk. í dag get ég talist alvöru háskólanemi. áður var ég jú háskólanemi...bjó í pínulítilli íbúð, las og las, drakk marga bolla af kaffi og te á dag, hékk á Kvarteret og lifði á ljótum lúsanámslánum... Þetta hefur svosem ekkert breyst og hér sit ég sötrandi kaffi og blaða í Bergens Tidende. En ég var ekki ekta... ekki fyrr en ég dag þegar þreytti ég mitt fyrsta stóra próf sem háskólanemi! 4 tíma skíterfitt spænskupróf, amen!

þrátt fyrir þennan stóra áfanga fannst mér hálf skítt að þurfa að sitja heima í gærkvöldi og lesa á meðan vinnufélagarnir borðuðu jólamat og skemmtu sér... svo að sjálfsögðu fór ég bara með! ég komst að því að norskur jólamatur er ekki góður. Pinnekjøtt smakkast eins og einhver þurr eftirherma af hinu guðdómlega hangikjöti. og hér kemur hneykslið...það er borið fram með brúnni sósu! mér leið eins og ég væri að borða restakjötbollur í Staðarskála. En sjálf hefði ég bitið af þeim hausinn sem færi að setja út á hið ástkæra hangikjöt þannig að ég sat bara stillt og prúð, skóflaði matnum til og frá á disknum (svo það liti út fyrir að ég hefði borðað eitthvað) og beið eftir eftirmatnum. eftirmaturinn var að sjálfsögðu góður og ég var hamingjusöm....æ, ég sakna Íslands

ég hef verið góð manneskja upp á síðkastið. skrifaði mig fyrir stuttu sem Redd Barna fadder og gef reglulega til fátækra barna í Equador. í dag gaf ég líka fátæka manninum með harmonikkuna nokkra smáaura og svöngum börnum í Rúmeníu. Harmonikkumaðurinn sagði að ég liti út fyrir að vera mjög sósíalístísk, takk gamli...
en þrátt fyrir alla þessa góðmennsku fékk ég samviskubit þegar ég þurfti að segja nei við lítinn gutta sem var að safna fyrir einhver hjálparsamtök. fékk sting í hjartað! það er greinilega bara annaðhvort eða....

Aytac er að reyna að draga mig á tónleika með Furia í kvöld...sjáum til

Mann/konu- og heilsubætandi:
Andreas segrov band
Buena vista social club
CasioKids
Cesaria Evora
Kingks of Convenience
Magnet
Minor Majority
Rockettothesky
Raymond og Maria
og að sjálfsögðu SigurRós, Emiliana Torrini, lýsi og vítamín...

Ég á svo ljóta úlpu að hún er töff. Gul, glansandi dúnúlpa? Já, það er rétt! Ég fór í hana í dag og Maren sagði að ég væri eins og Litli kjúllinn. Litli kjúllinn er hetja, hann bjargaði kjúllabæ frá árás illra geimvera! Litli Kjúllinn er töffari!...ekki satt Una?

Ég fór á kaffibarþjónanámskeið í dag í Friele og lærði ALLT um kaffi! Hvaðan það kemur, hvernig það er ræktað, tínt, þurrkað, flutt, hreinsað, brennt, smakkað til, pakkað... Ég hélt ég kynni eitthvað en neineinei! Nú get ég búið til hinn fullkomna expresso með fallegu crema lagi og flóað hina fullkomnu mjólk! Þetta er virkilega list! Eftir námskeiði var hlaðið á okkur alls konar bæklingum og fullt af kaffi. Frokostkaffe, presskannekaffe IrishCream kaffe og Arabica kaffe fra Mellom Amerika. Mmmmmmm......

Þegar ég kom heim var ég svo innblásin af öllu þessu kaffi að ég skrifaði sögu handa Idu. Hún fjallaði um það þegar hún (Ida) drakk svo mikið kaffi að hún varð að svertingja. Ég las það svo áðan í bæklingnum sem ég fékk um kaffi og heilsu að maður skiptir víst ekki húðlit af að drekka mikið kaffi. huh!

Og Helgi, ég gleymdi næstum að þakka þér fyrir að gera mig að miðpunkti athyglinnar á Kvarteret. Ég opnaði þennan helv tengil sem þú settir inn á síðuna þína. Allt í einu voru óhugnarlega margir farnir að horfa á skjáinn hjá mér, þeir hlógu dátt og horfðu svo á mig með svip sem ég get ekki ráðið. White trash pregnancy... halellúja!

Þessi er sætur!

eh...

já, Kolbeinn er sumsé fartölvan mín. Vona að ég hafi ekki ollið neinum misskilningi
Takk Una!

Sunnudagur

Sit við skrifborðið og í herberginu mínu. Kalt úti, hlýtt inni. Kertaljós, nýbökuð frönsk súkkulaðikaka með rjóma. Sötra mjólk úr rauðvínsglasi og horfi á dagatalið úr lýðháskólanum sem hangir á veggnum. Hans-Kjetil nakinn með vélsög. Ísland eftir mánuð! Gleði!

Fór á leikrit á föstudaginn. Stúdentaleikhúsið setti upp Eit Slag Sjakk. Dró Tyrkjann með mér. Hann heitir Aytac (borið fram "Itouch", fyndið). Strætóinn sem hann tók bilaði svo hann náði bara seinni helmingnum af sýningunni. Hann skildi ekki neitt. Ég huggaði hann með því að hann hefði hvort eð er ekki skilið neitt...hann kann ekki norsku. Mér fannst sýningin góð, Hafliði stóð sig vel. Ekki við öðru að búast.

Gærdagurinn var rólegur. Fór á Kvarteret með Kolbein og ætlaði að læra. En það er bara svo miklu meira skemmtilegt hægt að gera við Kolbein en að læra. Það endaði með því að ég spjallaði við fólk heima, lét mig dreyma um utanlandsferð og drakk te. Henriette kom og við fengum okkur grænmetislasanja. namm.... Svo kom kvöldið og rigningin. Guði sé lof fyrir gamla græna olíuregnjakkann hennar mömmu...ég elska hann! Bakaði súkkulaðiköku og horfði á Gilmore. Svo kom Hafliði og við fórum á tónleika. Kaizers Orchestra spiluðu og stemmingin var biluð! Þeir eru ótrúlegir!

Í dag er það afslöppun og spænska. Komst að því um daginn að nokkrir kúrsar á næstu önn eru kenndir á spænsku. óóóó. Næstu vikur mun ég sitja alla daga og lesa spænsku og ekki gera neitt spennandi. Er líka fátækur námsmaður svo það er ágætt. 7000 kr út mánuðinn duga varla fyrir neinu spennandi. En leiðinlegt...

Kos dere!

Fréttir

Vikan seinasta var hálf tilbreytingarlaus og eiginlega ekki frásögu færandi. Ég las og las og las undir heimspekiprófið yndislega...og það borgaði sig líka. Fékk hæstu einkunn!!! :o) Það þótti auðvitað við hæfi að fagna því með að skella sér í partý á laugardagskvöldið. Ég, Hanne og Ane mættum vongóðar en stemmingin var nú ekki upp á marga fiska. Drengirnir algjörlega óviðræðuhæfir en við gátum allavega hlegið góðlátlega að stúlkunum. Bimbo-berter eru einu orðin sem ég finn til að lýsa þeim...spes norskt fyrirbrigði. Á endanum var haldið í bæinn og við notuðum tækifærið til að stinga liðið af og Hulen tók við...Guði sé lof! Maren kom og við fundum Rockeprinsen hennar...en týndum aftur á móti Hanne og Ane. Rockeprinsen og félagar voru í hressir og við dönsuðum af okkur skóna...og sumir drukku úr sér heilana. Kvöldið endaði svo auðvitað í eftirpartýi...eða á ég að segja byrjaði? Þegar fór að daga og ég og Maren vorum einar af fáum eftirlifandi stauluðumst við heim. Helvítisandskotiansdjöfulsins hugsaði ég þegar ég lagðist í rúmið og sá að klukkan á náttborðinu sýndi tölustafina 07:32...

Þið getið kannski ímyndað ykkur hversu hress og til í tuskið ég var á Sunnudaginn þegar ég mætti á fund á Kvarteret. Þar tókst mér auðvitað að vingast tvo drengi sem ekki töluðu stakt orð í norsku. Tyrkinn Aytac og Belginn sem ég man ekki hvað heitir. Þeir voru indælir en mér þótti ekki alveg jafn indælt að þurfa að þýða hvert einasta orð yfir á ensku. Krumpaða heilanum mínum þótti nógu erfitt að skilja það sem fram fór...enda skipulagsleysið algert! Það endaði með því að við hættum að fylgjast með fundinum og fórum að ræða önnur málefni. Það kom þá upp úr kafinu að Aytac og ítalskur félagi hans voru að fara í 6 daga ferðalag til Bodø sem er bær langt langt langt uppi í norðri...næstum því í Lapplandi. Aytac vildi endilega að ég kæmi með...ég afþakkaði pent. Föst í 6 daga fyrir norðan heimskautsbaug með tyrkja sem ég hef þekkt 3 klst og ókunnugum ítala...kannski seinna.

Dagurinn í dag er búinn að vera skemmtilegur. Fyrst steig ég í hundaskít. 10 metrum eftir skítinn gekk ég fram á dauða dúfu og tókst með naumindum að sveigja framhjá. 15 metrum eftir það datt ég svo næstum því á hausinn...fyrir framan stórmarkað. Um sexleitið skrifaði ég SINGEL framan í mig með svörtum töflutúss og fór að spássera í bænum....eða það mætti allavega halda það því fyrir utan Galleriet var mér réttur boðsmiði í Partý fyrir einhleypa. Júhúúú! og auðvitað ætla ég að fara....eða neei!!!! Hrmp!

En jæja, meiri lærdómur...ritgerðirnar skrifa sig víst ekki sjálfar (því miður)